رغووووووووووووودة وبدر3

بدر ..والله ماني رايق له اسهر معه لحالك هههههههههههه

سعود ..بكرا تتمنى ولدي يسليك
بدر ..اشبع فيه ..تصبح على خير

سعود ..وانت من اهله ..

راح سعود لبيته الي بنفس سور اهله وهي مجمع سكني بناه ابوه فيه ثلاث فلل من غير البيت العود لسعود وبدر وسلطان الي بعده يدرس باامريكا ..

دخل سعود وحصل امل وولدها سالم بحضنها تغني له ..

سعود ..الله لايحرمني من الصوته وصاحبه ان شاء الله

استحت امل ..ولامنك يابو سالم

وراح سعود وشال ولده الي بدا يرفع يدينه من شاف ابوه


وتم سعود سهران مع زوجته لحد الساعه ثلاث بعدها راحوا ينامون عشان بكرا الجمعه ورارهم صلاة
..وبعالم ثاني كان بدر يفكر بالموضوع الي غير كل مخططاته كان مقرر يتم سنه او اكثر وبعدها يقرر يتزوج لكن ابو سعود
خلى بدر يعيد حساباته ..وظل بدر يفكر لحد ماقرر انه يروح يسولف مع خواته ويعرف منهم بعض صفات رغد

بغرفة ريم كانت ريوف وريم سهرانات مع بعض وسمعوا احد يطق الباب



ريم ..مين

بدر ..انا بدر اقدر ادخل

ريم قامت وفتحت الباب ..ياحيا الله اخوي نورت غرفتي

بدر ..الله وشحلاة كلامك يابخته ..

ريوف ..منهو الي بابخته

بدر ..يابخت سلطان بريوف والله

استحت ريوف ونزلت راسها

ريم ..ياحبي لاختي تستحي ..ادخل بدر تفضل

تم بدر عند خواته ويسولفون وفجأه رن تيلفون ريوف ..

ريوف ..هلا والله بام احمد عاش من سمع صوتك

ام احمد ..عاشت ايامك الغاليه ..شلونكم وشلون امي وابوي

ريوف بالف خير ..

ام احمد ..وسلطان شلونه

ريوف ..عندي بدر وريم بحط عالسبكر وكلميهم

ام احمد ..ياحيا الله اخواني والله جمعتكم حلوه تعال بدر خذني

بدر...ههههههه لاماني ناقص ابو احمد بشري الغاليه شلونك وشلون احمد وابوه

ام بدر ..بخير ياوجه الخير ..اجل وين سعود عنكريم ..سعود نايم بالعسل هههههههههه

ريوف وام احمد ...هههههههههههههههههه

بدر رفع عينه على اخته وصار يناظر فيها ..

ريم ..شفيك عادي هو دايم يقول هالكلمه زنقولها له

ابتسم بدر ..لا بس استغربت الكلمه

ام احمد ..بدر متى نبدأ نستعد ان شاء الله

ريم وريوف ..ايه صدق متى بدر بتقرر زواجك

بدر ..اذا الله اراد ان شاء الله ..نوف بكرا بتصل عليك ابيك بسالفه

نوف ..ان شاء الله اتصل بي الصبح يكون احمد نايم

بدر ان شاء الله ..تصبحين على خير
الكل ..وانت من اهل الخير

طلع بدر وراح لغرفته وهو يقول بينه وبين نفسه الظاهر العروس بعد مجهزه ماناقص الا المعرس وضحك على نفسه ودخل ينام

والساعه عشر الصبح صحى بدر واخذ له دش ولبس وقبل مايطلع قال خليني اتصل بنوف اكيد صاحيه وفعلا ردت عليه

نوف ..هلا والله بدر شلونك

بدر ..بخير الحمد لله انتم شلونكم

نوف بخير ونعمه ولله الحمد ..

بدر ..نوف انا مابلف ولاادور انا بقول لك الموضوع مباشره

نوف ..سم يااخوي تفضل

بدر ..نوف انتي اقرب خواتي لنا كلنا تعرفينا اكثثر من غيرنا نوف انا ماابي اتزوج رغد

نوف ..ساكته ..وبعدين قالت ..ليه يابدر ..؟؟