ياقلب لاتأسف على اللي مجافيـك
زرعت له ودك وهـذي غراسـه
اصبر عساها تنفرج فـي لياليـك
وخذ العبر من درب صعب مراسه
اما تود اللـي يـودك ويغليـك
والا اعتزل درب الهوى من أساسه
ماكل من يعجبك زوله يصافيـك
وخذ من تجاربك المريـره فراسـه
ياقلب قلي فين صدقـك يوديـك
في كل نشوة حب تلقى انتكاسـه
يعاهدك بالأمـس محـد يوازيـك
واليوم ودك حدر الاقـدام داسـه
ماكنت افكر انظم الشعر وارثيـك
لكن حالك صعب يوصف احساسه
تعاستك حزني وصعب اواسيـك
صعب الحزن يقدر يواسي التعاسـه